„По 24-ти декември, ние во таков парламент не се враќаме. Ризикот ќе биде на Груевски, ако одлучи да оди на локални избори без опозиија, за нас тие ќе бидат нелегални и нелигитимни“, рече Горан Мисовски од НСДП, на денешните протести.
„Нека не глуми во разно разни Роуд шоуа емисии дека е се нормално, па ништо не е нормално во оваа држава. Ако на некој му треба лидерска средба тоа е Николка Груевски за да се спаси од срамот“, рече Мисовски.
Тој рече дека не сфаќа зашто премиерот има потреба од обезбедување.
„Седум години сум пратеник, тоа е надвор од сите евроспки стандарди, од што се плаши не ми е јасно, ако е тој најсаканиот политичар, ако ужива доверба во сите анкети, навистина не знам зашто му е потребно обезбедување“, рече Мисовски.