(ВИДЕО) Мицкоски се сретна со европратениците: Заложбите за евроинтеграција на владата се само декларативни

Од:

Претседателот на ВМРО-ДПМНЕ, Христијан Мицкоски денес заедно со потпретседателот Александар Николоски и членот на Извршниот Комитет, Драган Данев оствари средба со европратениците Иво Вајгл, Едуард Кукан и Кнут Флекејштајн.

На средбата се разговараше за актуелните состојби, за застојот со европските интеграции и предизвиците на државата на општествен и политички план.

Претседателот на ВМРО-ДПМНЕ, Мицкоски посочи дека има целосен застој во поглед на европските интеграции и исклучително низок степен на реализација на владиниот план 3-6-9 што се должи на недоволната посветеност и манифестирањето на неспособност на владата да менаџира со процесите.

– Заложбите за интеграција на владата се само декларативни, но не и суштински и остануваат мртво слово на хартија, истакна Мицкоски.

Тој додаде дека СДСМ ја има одговорноста 9 месеци да управува со државата а нема ниту еден крупен чекор или реформа која е не доближи до целта за отпочнување на преговори со Европската Унија.

Претседателот на ВМРО-ДПМНЕ ги запозна своите соговорници со случаите на политички терор спроведуван од власта, посочувајќи дека тоа го отежнува севкупниот абиент на функционирање на државата и го прави невозможен активниот политички дијалог.

Мицкоски зборуваше и за катастрофалната економска состојба и неуспешните економски политики кои негативно се одразуваат врз стандардот на граѓаните.

Во однос на спорот за името ВМРО-ДПМНЕ на средбата ги повтори позициите на партијата кои се јавни и претходно познати.

Претседателот на ВМРО-ДПМНЕ Мицкоски изрази благодарност за ангажманот на тројцата пратеници и нивните заложби за откочување на процесот на евроинтеграциите што преставува стратешка заложба на партијата.

Би можело да ве интересира

СДСМ: Мицкоски нека си ги пакува куферите после седмиот изборен пораз по ред, нема да го примат ниту во Белиот дворец

А1он

Кузеска: Мицкоски подмолно ги злоупотребува чувствата на семејствата на трагично загинатите во Тетово

Мицкоски: Заев се поистоветува со функцијата-премиер, имам само чувство на гадење за ваквите изјави

Катерина Павлова-Николовска

Заев не размислува за оставка: Мицкоски да дојде, премиер да биде?

Катерина Павлова-Николовска

ВМРО-ДПМНЕ: На ДУИ и Талат Џафери помил им е Венко Филипче, отколку животите на граѓаните на Тетово

А1он

СДСМ: Мицкоски не го знае Уставот и излегува со правно неписмени предлози