(ВИДЕО) Мицевски: Ги повикуваме сите општествени чинители да го поддржат Референдумот со цел поништување на договорот со Бугарија

Од:

ВМРО-ДПМНЕ на вчерашната седница на ИК на партијата донесе одлука за отпочнување на постапка за организирање на задолжителен Референдум со цел поништување на договорот со Бугарија, кој е корен на сите негации на македонскиот јазик, идентитет и историја изминатиов период. Ја повикуваме целата јавност, експертите, политичките партии, граѓанските организации, граѓаните во целост да се приклучат кон иницијативата и да го поддржат Референдумот. Ги повикуваме СДС да не тактизираат со народната волја, и да покажат минимум демократски капацитет и да повикаат на излезност на Референдумот, изјави денес Никола Мицевски, координатор на пратеничката група на ВМРО-ДПМНЕ.

– Оваа иницијатива за Референдум е целосно европска бидејќи се спротивставува на негаторските политики и постапки кои Бугарија ги насочува кон Македонија од аспект на јазикот, културата и идентитетот.

По спроведените детални консултации со експерти од областа на Уставното право, коалиционите партнери и телата на партијата донесена е одлука прашањето да гласи: Дали сте за напуштање на важноста на ЗАКОНОТ ЗА РАТИФИКАЦИЈА НА ДОГОВОРОТ ЗА ПРИЈАТЕЛСТВО, ДОБРОСОСЕДСТВО И СОРАБОТКА МЕЃУ РЕПУБЛИКА МАКЕДОНИЈА И РЕПУБЛИКА БУГАРИЈА објавен во Службен весник бр: 12/2018 од 18.01.2018 година?

Постапката ќе ја отпочнеме со собирање на 100 потписи за отпочнување на граѓанска иницијатива која ќе ја доставиме до Собранието, а со цел овозможување на постапка за собирање на 150 илјади потписи од страна на граѓаните на Македонија. Сувереноста на државата произлегува од граѓаните и ВМРО-ДПМНЕ како политичка партија го почитува и засекогаш ќе го применува тој принцип.

Овој Референдум е само можност за граѓаните да го кажат својот став.Ставот на ВМРО-ДПМНЕ и пратеничката група останува ист. Ние нема да прифатиме и поддржиме промена на Уставот, со цел бугаризација на Македонија.Затоа пратеничката група на ВМРО-ДПМНЕ останува на линија на одбрана на македонските национални интереси – нагласи Мицевски.

Би можело да ве интересира

Мицевски повика итно да се донесат измените на Законот за патни исправи

Мицевски: Проблемот со испразнетото место во ДИК ќе се надмине, еден од кандидатите ги повлекол документите

Има 20 потписи за свикување итна седница, денес може да се изгласаат измени за возачките и личните карти

Орце Костов

Мицевски: Мандатарот треба да предложи министри за секое министерство согласно Законот за Влада, до крајот на неделата ќе ги соопштиме нашите предлози

Мицевски обвини за злоупотреба на пратеничките прашања, Џафери побара толеранција до примена на новиот деловник

Никола Мицевски: Се потврди дека власта нема мнозинство за уставни измени, следен чекор е да го распушти ова Собрание

Орце Костов