Поранешнот претседател на Р. Хрватска, Стипе Месиќ присуствуваше на предавањето на претседателот на СДСМ, Зоран Заев, во Љубљана, Словенија, на тема Вистината за Македонија и имаше и одвоена средба со претседателот Заев. По предавањето, поранешниот хрватски претседател Месиќ даде изјава.
„Мене ми е многу драго што присуствував на предавањето на господинот Зоран Заев.
Тој одлично ја претстави ситуацијата во Македонија, секако од своја гледна точка. Зборуваше за многуте проблеми во Македонија и ги кажа своите предлози за решавање на тие проблеми.
Многу од проблемите се идентични и во другите земји што се во транзиција, но има многу вистина во тоа дека во Македонија одредени институции потфрлија и постои недостаток на законската регулатива, но земјата се движи кон демокртаско решавање на кризата, почетокот е видлив и јас очекувам после следните избори работите во Македонија да бидат решени“, изјави Месиќ.