Приметувам голема нервоза, сите ставаме разни препреки, интереси и убедувања, дајте да ги тргнеме тие интереси и не сфаќања и да бидеме едно. Јас како македонизиран Албанец би сакал да сум една врста мост на разбирање помеѓу Македонците и Албанците, рече пратеникот од ДУИ, Бранко Манјоловски, при што повика сите партии малку да ги смират страстите.
-Оставете ги партиските интереси на страна, дајте малку да работиме за Македонија, да ги решиме македонските проблеми, го можеме тоа, вели Манојловски.
Инаку, Манојловски е најстариот пратеник во Собранието и како таков според Деловникот за работа на Собранието и досегашната пракса тој треба да претседава со конститутивната седница наместо поранешниот Претседател на Собранието Трајко Вељаноски кој како што може да се забележи од досегашните продолженија на конститутивната седница го крши Деловникот на Собранието и им дозволува на пратениците од ВМРО-ДПМНЕ да држат политички говори и да упатуваат навреди кон пратениците од СДСМ, наместо да дискутираат за точките на дневен ред.