Дамјан Манчевски од СДСМ истакна дека никој не верува дека е загрозена Македонија, бидејќи ако било така на улицата ќе имало навистина 200.000 народ, а не 1.300 како вчера.
– Загрозени се криминалот и корупцијата, затоа што е најавена жестока борба против нив. Индикативно е дека имало документи од еден Секретаријат, па од некое министерство. Колку влади имаше? Како владеевте? Унитарно или бинационално? Имаше македонски и албански министерства? Делови од влада кои што беа албански и македонски? Оној кој беше премиер, а сега никаде го нема, знаеше ли што му се случува во владата? – праша Манчевски.
Тој кажа дека кога се промовирал документот за кој пратеникот Ејуп Алими рече дека декларацијата произлегува од него, биле присутни и Илија Димовски и Анотио Милошовски и истакна дека принципот победник со победник е вовед во бинационалност.
