(ВИДЕО) Манчевски до Груевски: Како здружение со мали приходи може да донира вакви споменици?

Од:

„Ниту Никола Груевски, ниту ВМРО ДПМНЕ, ниту градот Скопје, ниту пак Здружението за духовно обединување на Сетинци-Попадинци и Крушоради од Лерин, не дадоа одговор кој ги платил и кој ги изработил петте споменици кои што ги поставува градот Скопје“, изјави на денешната прес-конференција, потпретседателот на СДСМ, Дамјан Манчевски.

„Господине Никола Груевски, што значи вашиот молк?

Со оглед на тоа што потекнувате од Крушоради каква е вашата улога во донацијата на анонимното здружение на градот Скопје?

Ова е Извештај за билансот на состојба на Здружението за духовно обединување на Сетинци-Попадинци и Крушоради.

Izvestaj Prihodi zdruzenie 1 Izvestaj Prihodi zdruzenie 2

Од извештајот се гледа дека вкупните приходи на ова здружение за 2013 се околу 14.000 евра.

Ако имаме во предвид дека донираните споменици се сите по пет метри, излиени од бронза, поставени на бетонски постаменти, се поставува прашањето како може ова анонимно здружение да даде ваква донација?

Или што толку му тргнало во духовното обединување на ова здружение кога во 2014 година може да донира толку вредна донација?

За споредба, ако земеме во предвид дека еден од лавовите излиени од бронза со слични димензии, поставен на мостот Гоце Делчев, според тарифата на Груевски, чинел околу 1 милион и 100 илјади евра, можеме само да претпоставуваме дека овие пет споменици чинат пет пати повеќе.

Или уште една споредба. Само хонорарот на авторите за два лава поставени на истиот мост изнесува колку вкупниот годишен приход на анонимното здружение, односно 14 000 евра.

Уште еднаш бараме да се обелодени изворот на финансирање на анонимното здружение, вредноста на донацијата и авторите коишто ги изработиле спомениците.

Господине Груевски, ајде да не се лажеме. До кога ќе молчите? Ова е веќе случај за Државна комисија за спречување корупција и Јавното обвинителство“, рече Манчевски.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари

СДСМ: 51 милион евра не се префрлени во вториот пензиски столб – кривична одговорност треба да започне од Мемов