Малолетник со мотор „Веспа“ денеска на улицата „Никола Парапунов“ во Карпош 4, удри во мајка која на пешачки заедно со двете нејзини малолетни деца ја минуваше улицата.
Mомчето претекнуваше цела колона и не забележа дека на пешачкиот премин поминува жена со две мали деца во кои удри неможејќи да сопре. Веднаш потоа се обиде да избега, но по него се затрчаа неколку мажи кои го фатија и не му дозволија да си оди.
За сообраќајката веднаш е известена полицијата, од каде за „А1он“ велат дека кон местото на настанот веќе се упатила нивна екипа.
Според она што можеше да се забележи, најверојатно жената и децата не се здобија со тешки повреди. Жената имаше повреда во пшределот на лицето, а едното дете се жалеше на повреда во раката.