Кандидатот за градоначалник за Скопје Јани Макрадули и асоцијацијата на независната културна сцена ЈАДРО потпишаа договор за постојано учество на претставниците на ЈАДРО во креирањето на културните политики на локално ниво. Со овој дијалог ќе се обезбеди простор за ново читање на културата и на содржинско и на организационо рамниште кое во мигов е анахроно и назадувачко.
„Заедно со ЈАДРО правиме револуционерен чекор за културно дејствување. Создаваме предуслови за учество на овој сектор во креирањето на културните политики. Ова е договор за содржина, а не за фасада“, рече Макрадули.
Седиштето ќе биде во прескапо платената зграда на Водовод, но не со барокна фасада туку исцртана со графити од млади артисти.
Темјана Поповска