Православниот 51- метарски крст во општина Аеродром ќе биде готов за велигденските празници. Изградбата на крстот е во завршна фаза, а недостига да се монтира само уште едно крило.
Пред неполни две недели беше готов единствено постаментот на крстот, кој тогаш можеше да се забележи преку тарабите на градилиштето. Челичната конструкција е речиси готова и се премачкува со златна боја.
Крстот ќе биде висок 51 метар и широк 4 метри, со распон на краците од 34 метри. Локацијата пред крстот ќе биде уредена со парк, фонтани и клупи за седење на граѓаните. Тој е биде поставен на постамен од 5 и пол метри.
За иницијаторот на проектот, претседателот на Светскиот македонски конгрес Тодор Петров, крстот не претставува ниту провокација, ниту конспирација, а дека Македонија е основа на христијанството. Одлуката да се гради во Аеродром е бидејќи 99 насто од населението кое жовее во оваа општина се христијани.
Камен темелникот го удрија владиците на МПЦ во декември минатата година со молитвени песни.
Петар Клинчарски