Хари Локвенец, кандидатот за градоналаник за Прилеп на „Сојузот за иднината“ одговори на , како што вели навредите за него и за татко му од страна на премиерот Никола Груевски на митингот во Прилеп.
Локвенец сметал дека имеле нешто заедничко, почитта кон христијанската религија и почитта кон семејството. Во духот на христијанската љубов, вели, не смееме да зборуваме, да мислиме, а најмалку да правиме нешто лошо за фамилијата на било кој – па макар тоа да е нашиот политички конкурент или противник.
„Само губитник во очај меша фамилија за ситни политички поени. На сите им е јасно дека губите. Ве прочита народот. Ви следи голема народна казна на 24 март. Нема да се спасите со очајнички потези.Не барам да ми се извините мене лично. Треба да и се извините на целата македонска јавност.
– Срамота е премиер на 2 милиони граѓани да користи толку низок речник. Срамота е премиер на цела Македонија да се служи со ниски и валкани навреди. Срамота е за народот и државата. Вашиот послушник, Марјан Ристески ги одмолча навредите. Молчеше и кога Вашата Благородна Дулиќ ги нарече Прилепчани мајмуни.
– Вашите послушници молчеа кога новинарите и пратениците со сила беа исфрлени од Парламентот на “црниот понеделник“. Молчеа кога изгласаа амнестија за Хашките случаи и го изгласаа Талат Џафери за министер“, вели Локвенец.
Повеќе од видеото.