(ВИДЕО) Лефков: Референдумот покажа сериозен пад на рејтингот на СДСМ во Кочани

Од:

Миле Лефков, претседател на ОК на ВМРО-ДПМНЕ во Кочани, упати благодарност и почит за сите граѓани што на референдумот не излегле да гласаат или гласале „против“.

Според него, жителите на Кочани јасно покажале дека договорот од Преспа така како што е склучен, не им е по волја.

„Неуспешниот референдум, за жал, сега на СДСМ му служи само како една прескапа анкета платена со пари од граѓаните, која му покажа дека во Кочани му исчезнаа околу 3.000 гласа, односно 2.844 гласа. Она што се случува со гласовите на СДСМ во Кочани е слика и прилика и добар пример за да се види како завршуваат неодржливите политики градени на лаги“, оцени Лефков.

Тој додаде дека падот на рејтингот отсликан во изгубени речиси 3.000 гласа на СДСМ во овој, како што рече, кус период, е сведок за безидејното и катастрофално владеење манифестирано преку покачувањето на цените на горивата, покачувањето на животните трошоци, немањето откуп и катастрофално ниските цени на земјоделските производи.

„Со ваквото владеење и со ова темпо на губење на поддршката, дебаклот на овие политики е неминовен и, по сè изгледа, тоа е единствениот излез од безизлезната ситуација во која е втурната како Македонија така и нашето Кочани“, истакна Лефков и додаде дека неговата партија нема да дозволи татковината да се користи како изговор за неисполнети ветувања, непотизам и криминал.

Би можело да ве интересира

(ВИДЕО) Кузеска: Со власта на Мицкоски минималната плата се држи на дното, работниците добиваат само леб и сол

А1он

ВМРО-ДПМНЕ: Панче Тошковски го суспендира командирот од Ропотово, Даница Чадиева од СДС преку Второстепена го враќа

(ВИДЕО) Јанковиќ: Орце застана зад криминалните дивоградби во Чаир, глас за Орце е глас за Скопје да стане дивоградба

(ВИДЕО) Кузеска: Стандардот на граѓаните постојано се намалува а власта одбива да ги покачи платите

СДСМ: Вистинското прашање за Мицкоски е зошто ВМРО-ДПМНЕ ја даде концесијата за Казандол?

СДСМ: Ги демантираше и нивниот градоначалник од Кавадарци, ВМРО-ДПМНЕ фатени во нова лага за Ерзмус+