Либерално-демократската партија денеска изрази загриженост за одливот на млaдите од земјава.
– Во предлог резолуцијата, која ја поднесе известувачот за Македонија, Ричард Ховит стои дека невработеноста на младите во Македонија е меѓу најголемите во светот. ЛДП многупати до сега искажуваше загриженост за катастрофалната состојба во која се наоѓа младиот човек во земјава. Но сите укажувања од наша страна, за алармантната состојба и повици нешто да се преземе беа игнорирани од ресорните министерства и Владата – рече Филип Јаневиќ од ЛДП.
ЛДП побара од Владата сериозно да го сфати укажувањето во извештајот на известувачот Ховит и реално да ја согледа катастрофалната состојба, а не само како што истакна Јаневиќ „декларативно да се бори за задржување на младите образовани кадри во Македонија, зошто патриотизмот не се мери со подигнати споменици на метар квадратен, туку со обезбедување на реални услови за
достоинствен живот и просперитет на младите луѓе“.