Нов финансиски трошок ќе падне врз нас граѓаните: за поправка на новиот голем дефект во РЕК Битола, како и за скапата струја што ќе мора да се увезува поради дефектот, рече Васко Ковачевски, претседател на ОО СДСМ Битола.
На почеток на грејната сезона откажа повторно еден од трите блока на РЕК Битола.
Блок 1 е исклучен веќе трета недела, скршен е дел од турбина.
Ова се случува и покрај потрошените околу 60 милиони евра пари на граѓаните за техничко дооопремување на блоковите во РЕК Битола.
Претходните технички проблеми се случија во гарантниот период. Овој дефект ќе треба да го платиме ние граѓаните.
Проценките се дека поправката ќе чини околу 50 илјади евра.
Но тоа не е единствениот проблем.
Запирањето на работата на Блок 1 ќе значи помало производство на домашна струја.
Ќе мора да се увезува струја! Затоа што процесот на враќање на Блок 1 во функција може да трае неколку месеци. Бидејки изведувачот на претходниот зафат, според информациите што ги имаме, барал посебно испитување на оштетените делови, лопатки на турбина, а за тоа немало склучен рамковен договор. Тоа би значело допрва распишување оглас за набавка на потребните делови.
СДСМ подолг период предупредува дека состојбите во најголемиот електроенергетски комбинат, РЕК Битола се алармантни.
Бидејки од 15 октомври почна грејната сезона, а во зимскиот период потрошувачката на струја е поголема, бараме власта да излезе и да каже:
-Колкави ќе бидат вкупните трошоци врз нас граѓаните по најновиот дефект во РЕК Битола?
-И кој и колку ќе заработи од увозот на струја од ваквата ситуација со термоцентралата во Битола?