(ВИДЕО) Ковачевски: 2023 година е година за економска пресвртница, на нова надеж

Од:

Нема недостижна цел, 2023 година е година за економска пресвртница, на нова надеж, рече претседателот на СДСМ, Димитар Ковачевски на вечерашната трибина Силно и одлучно во Тетово.

Ние, во исклучително тешки околности успеавме да го одржиме буџетот стабилен, да не крахира, да го одржиме енергетскиот систем и да обезбедиме храна, енергенси, греење и струја, додаде Ковачевски.

-Ако пред 10 месеци клучното прашање беше дали ќе успееме да обезбедиме храна, пари, струја и нафта, денеска клучното прашање е можеме ли заедно да го пребродиме последниот дел од економската бура или не. Имаме уште многу работа, тоа секако, бурата е се уште во тек. Но стојам овде пред вас и со сето мое економско и менаџерско знаење, со сиот резултат во изминатите 10 месеци ви велам ДА, можеме. Заедно ќе успееме да ја поминеме зимата, заедно ќе успееме да ја пребродиме последната глобална економска бура и од наредната година ќе биде подобро, рече претседателот на СДСМ, Ковачевски.

Нема недостижна цел. 2023 година е година за економска пресвртница, на нова надеж, потенцираше тој.

-Ако во првите десет месеци ја држевме цврсто економската линијата за борба против кризата, за наредната година и новиот Буџет тоа е промена, пресвртница од каде што тргнуваме во офанзива. Конечно да ја победиме кризата, да почнеме да економски да растеме, да го зголемиме животот стандарди и да се погрижиме следната година да стане подобра од оваа. Да направиме општествени промени со нашите економски политики за енергетска транзиција, за обезбедување финансиска поддршка и пресвртница во развојот на домашната економија, рече Ковачевски.

После 10 месеци, макотрпна работа, труд, многу непроспиени ноќи создадовме и реализиравме пакети антикризни мерки вредни 760 милиони евра. Најголеми во регионот според БДП. Не само според мене, не само според Владата, туку според Светската банка, додаде Ковачевски.

-После 10 месеци можеме да кажеме успеавме. Со антикризните мерки ја спасивме македонската економија, го поддржавме стандардот на граѓаните, компаниите, ранливите граѓани кога беше најпотребно, рече претседателот на СДСМ и премиер, Димитар Ковачевски на вечерашната трибина „Силно и одлучно кон иднината“ во Тетово.

Би можело да ве интересира

Ковачевски: 100 отсто ги покриваме потребите за електрична енергија за домаќинствата

Ковачевски: Стратешки го зголемуваме домашното производство на храна и струја

Ковачевски – Вучевиќ: Ќе продолжи продлабочувањето на односите меѓу Северна Македонија и Србија

(ВИДЕО) Ковачевски: Членството во ЕУ е национален интерес, сите да бидеме одговорни за иднината на нашата земја

(ВИДЕО) Ковачевски: Новите инвестиции и работни места се потврда за успешните економски политики

Безбедносните служби одлучуваат дали Џамбаски ќе го слави Гоце Делчев во Македонија или ќе остане на граница

Кристијан Ландов