(ВИДЕО) Костовски: Власта удира по стандардот на народот, граѓани се жалат за огромните сметки за стуја

Од:

Власта на Мицкоски и на ДПМНЕ ги укина субвенциите на цената на струјата за домаќинствата со што изврши уште еден удар врз џебот и стандардот на народот. Голем број граѓани се жалат за огромните сметки за струја коишто им се пристигнати за месец јануари и кои се значително поголеми од минатите месеци, изјави Мартин Костовски, организациски секретар на СДСМ.

– Сумите некаде се толку високи што луѓето бараат начин како да ги подмират. Други, пак, бараат коригирање на сметките. Граѓаните реагираат дека јануарските сметки за струја им се покачени за 20% а некаде дури и за 30%. Граѓани од Прилеп, Велес, Куманово, ни доставија сметките до нас платиле неверојатни 8.000 денари за струја во месец јануари или 2.000 денари повеќе од минатиот месец.

Тоа се точно 30% повеќе пари, поголеми сметки. На енормно високите цени на струја се жалат и компаниите. Ова е директна последица на одлуката на Владата на Мицкоски за укинатите субвенциите за струја. Власта удира по стандардот на народот, скапотија е на сите страни. Во време на ковид и енергетска криза кога СДСМ беше власт, граѓаните, училишта, претпријатијата болниците, сите добија евтина струја и во ниту еден момент немаше рестрикции.

Дополнително ја вративме и евтината тарифа на струјата. Сега ДПМНЕ укина буквално се и не само што покажа неспособност туку и тотална негрижа за граѓаните. Неспособноста ја плаќа народот, од свој џеб. Граѓаните не можат да врзат крај со крај, покачени сметки за храна, покачени сметки за струја, покачени сметки за парно. Бараме власта веднаш да воведе субвенции за домаќинствата и да им се намалат сметките за струја на граѓаните. СДСМ стои на располагање и има решенија за намалување на цените, едно од нив е интервенција во висината на ДДВ за парно и струја. Прашање е само дали неспособната власт ќе ги прифати, нагласи Костовски.

Би можело да ве интересира

Поради огромната трагедија во Кочани СДСМ ги одложи внатрепартиските избори за Претседател

Стоилковиќ го навредил секретарот на СДСМ, го прашал дали сака да го напумпа

СДСМ: Кој го мести Бојан Стојаноски од ДПМНЕ?

ВМРО-ДПМНЕ: Инсталациите на СДС во правосудството ги штитат луѓето на ДУИ и синиот на пратеникот Јахоски

Кузеска: Една фирма добила тендери вредни 4,5 милиони евра од Аеродром, Кисела Вода, Неготино и Министерството за спорт

Последниот браник и штит на криминалот на поранешната Влада се дел од сегашните судии и обвинители, обвинува Мицкоски