(ВИДЕО) Костовски: СЈО работи надвор од закон за да ги заплаши членовите на ВМРО-ДПМНЕ

Од:

Дарко Костовски од ВМРО-ДПМНЕ денеска на прес-конференција изјави дека Специјалното јавно обвинителство работи надвор од закон.

– Катица Јанева и нејзините обвинители единствено што почитуваат се политичките нарачки од хунтата на Зоран Заев за пресметка со неистомислениците. Со денешниот прес, Катица Јанева и нејзините соработници потврдија дека се слепи извршители на желбите на Зоран Заев и СДС во обидите да се замолкне секој што мисли поинаку и што може да се спротистави на антидржавните политики кои во моментов се реализираат. Само за потсетување, во моментов државната изборна комисија е во оставка, а Зоран Заев најавува промена на името во исто време кога од Грција доаѓаат најави за предлозите кои ги давал Заев, но и за проширување на опсегот на употребата на новото име, рече Костовски.

Тој додаде дека во вакви околности кога практично не постои институција која би го реализирала евентуалниот референдум за името, СЈО по наредба на Заев тргнува во офанзива монтирајќи нови случаи, надвор од законските овластувања, против членови и функционери на ВМРО-ДПМНЕ во обид да ги заплаши и пасивизира.

– Единствената цел на СЈО е да му обезбеди на Заев поширока поддршка за политиките кои ги реализира на штета на државата. Ваквото однесување на СЈО е кршење на Законот со кој е формирана таа институција и за тоа мора да има одговорност. Незаконското однесување ќе биде предмет на истрага во оној момент кога правосудните органи ќе се ослободат од притисоците на власта, рече Костовски.

Би можело да ве интересира

Ѓорѓиевски: Скопје е град на слоеви – град на историја, уметност и визии

ВМРО-ДПМНЕ: СДСМ крадеше, правеше предавства и ги уништуваше институциите

СДСМ: Скопје се гуши поради неспособноста на власта и градоначалниците од ВМРО-ДПМНЕ

ВМРО–ДПМНЕ вечерва објави 16 кандидати за градоначалници

А1он

ВМРО-ДПМНЕ: Дали службите за безбедност под водство на кадри на СДС го следеле и прислушкувале Мицкоски со знаење на Коцевски?

ВМРО-ДПМНЕ: Зошто Филипче ги штити луѓето кои прислушкувале и обвинителите кои тоа го дозволиле