Секојдневно на виделина излегуваат нови сведоштва за монструозните планови и брутална злоупотреба на безбедносните институции, МВР и УБК од страна на режимот на Никола Груевски и ВМРО-ДПМНЕ.
Овој луксузен дворец зад мене е центарот во којшто биле координирани сите злоупотреби како и нападнат на 27 април, рече Костадин Костадинов од СДСМ.
– Според јавни сведоштва и признанија, токму во оваа зграда на ВМРО-ДПМНЕ, „на 8-ми спрат“ бил центарот од каде се планирал и изведувал бруталниот упад во Собранието на 27 април. Оваа зграда зад мене, овој дворец на ВМРО-ДПМНЕ е симбол на криминалот, расипништвото, злоупотребите. Јавноста и граѓаните се згрозени од она што се слуша во судниците, од начините на кои ВМРО-ДПМНЕ вработувала во УБК, како незаконски работела и следела неистомисленици, лидери на партии, пратеници, граѓани, планирала напади врз новинари, седници на ДИК…Во овој период Христијан Мицкоски бил лева рака на Никола Груевски, советник во неговиот кабинет, дел од партиските структури, рече Костадинов.
Тој додаде дека Мицкоски не побарал одговорност за криминалот, за злоупотребити за нападот на 27 април, туку се обидел да ги заштити криминалците, насилниците и нарачателите.
– Затоа Мицкоски денес организира протести за заштита на криминалот, кадешто упатува закани кон судии и обвинители. Затоа Мицкоски е против помирувањето, затоа ги кочи процесите кои обезбедуваат членство во НАТО и ЕУ. Од овде, од пред овој симбол на криминалот и на злоупотребите на институциите уште еднаш упатуваме порака: Нема амнестија за оние кои нарачале, организирале и извршиле насилство на 27 април. Македонија тргна напред и враќање назад во темното минато нема да има, рече Костадинов.