(ВИДЕО) Костадинов: Повторно сомнително изборно рекламирање на ВМРО-ДПМНЕ, ништо не е променето во белиот дворец

Од:

„Отворената истрага врз основа за сомневања за неправилности во изборното рекламирање на ВМРО-ДПМНЕ само покажува дека во оваа партија ништо не сменето.

Според јавно објавени информации, стотина илјади евра, пари од Буџетот, ВМРО-ДПМНЕ потрошила за изборно рекламирање на интернет портали, дури и на непознати медиуми, без импресум, без редакции.

Ваквото расипничко и неодговорно однесување на ВМРО-ДПМНЕ е истата, стара, криминална матрица на оваа партија“, вели Костадин Костадинов, портпарол и пратеник на СДСМ.

„Речиси и да нема изборна кампања на ВМРО-ДПМНЕ во последите години која што не е спорна или сомнителна.

За изборната кампања за Гордана Сиљановска, ВМРО-ДПМНЕ предводено од Христијан Мицкоски ја затвори сметката со долг од 400.000 евра, спротивно на законот од член 71 од Изборниот законик.

За оваа кампања, но и други, јавноста дозна и за сомнителните шеми преку фирми на Орце Камчев.

Претходно, ВМРО-ДПМНЕ предводено од шефот на Мицкоски, Никола Груевски, оставше долгови од над три милиони евра.

Односот и кон законите но и кон медиумите, на ВМРО-ДПМНЕ и Мицкоски е ист и непроменет.

За потсетување, на почетокот на годинава словенечки медиуми објавија истражување во кое беа наведени сериозни сомнежи дека ВМРО-ДПМНЕ со 2,5 милиони евра, црни пари од Унгарија финансирала медиуми во државава кои ширеа и се уште шират антидржавна пропаганда.

Дали е нешто слично и со последниот случај со интернет порталите, оставаме да покаже истрагата.

Мицкоски и ВМРО-ДПМНЕ треба да знаат дека помина времето кога се затвораа сметки за изборни кампањи со милионски долгови без да има одговорност, помина времето кога со парите од граѓаните ВМРО-ДПМНЕ вршеше поткуп на медиуми.

Сега е време на одговорност. Очекуваме надлежните институции брзо да го разрешат овој случај, но и сите претходни случаи каде ВМРО-ДПМНЕ ги прекршува законите.

Одговорност за овој, но и за сите прекршувања на законите мора да има. Следува ред, правда и дисциплина“, изјави Костадин Костадинов, портпарол и пратеник на СДСМ.

Би можело да ве интересира

(ВИДЕО) Костадинов: ВМРО-ДПМНЕ ги блокира мерките за заштита од коронавирусот

Ана Ололовска

(ВИДЕО) Кузеска: Новите мерки се за заштита на јавното здравје, пратениците да ги изгласаат во најкус можен рок

Ана Ололовска

СДСМ: Владата донесе нови мерки за поголема заштита од коронавирусот, сите да ги почитуваме, да го заштитиме јавното здравје

Ана Ололовска

СДСМ: Владата обезбедува успешен и безбеден наставен процес – 88% од учениците следат настава на далечина

Ана Ололовска

(ВИДЕО) Костадиновска: Владата преку одговорен пристап обезбеди успешен старт на учебната година

Ана Ололовска

СДСМ: Борбата против коронавурусот е заедничка – сите дисциплинирано да ги почитуваме мерките

Ана Ололовска