„Кандидатката на Христијан Мицкоски, Гордана Сиљановска е поддржана од насилници, осудени за насилствата за 27 април.
Меѓу поддржувачите на Сиљановска е и Игор Југ, познат на јавноста како еден од осудениците, осудени за настаните од 27 април за терористичко загрозување на уставниот поредок.
Меѓу нејзините поддржувачи е и осудениот криминалец во бегство, Никола Груевски“, рече Костадин Костадинов, портпарол на СДСМ и пратеник.
„Осудени криминалци стојат зад Сиљановска, тоа кажува се.
Дали Сиљановска си ја купи поддршката од овие насилници и криминалци со молкот за крвавите настани од 27-ми април?
Затоа ли Гордана Сиљановска не го осуди насилството, обидите за убиства на пратеници?
Затоа ли Гордана Сиљановска не го осуди криминалот на нејзниот поддржувач и промотор, сега пребеган во Будимпешта, Никола Груевски?
Граѓаните не смеат и нема да си дозволат на висока државна позиција да има човек зад кого стојат насилници и криминалци.
На државата не и треба тоа. На државата и треба вистински претседател кој навистина ќе се залага за правда и правичност.
Затоа, во недела граѓаните ќе дадат масовна поддршка за Стево Пендаровски и неговиот концепт што води напред.
Република Северна Македонија ќе добие вистински претседател на сите граѓани кој нема да брани криминал, туку ќе се залага за правда и еднаквост пред законите“, изјави Костадин Костадинов, портпарол на СДСМ и пратеник.