Криминалните политики на Никола Груевски и ВМРО-ДПМНЕ, кои во изминатите десет години го партизираа системот, ги обезвреднија институциите, ги задушија слободата и демократијата. Просечната плата за граѓаните во Македонија е на дното во споредба со платите во регионот. А пред десет години бевме лидери во регионот, изјави Костадин Костадинов од СДСМ.
– Над 500.000 граѓани во Македонија живеат на работ на сиромаштијата. Криминалните политики на Никола Груевски и ВМРО-ДПМНЕ ја руинираа државата, го партизираа системот, ги обезвреднија институциите, ги задушија слободата и демократијата. Десет години, Груевски, во името на народот, работи само за себе и фамилијата. Ниту пропагандата и лагите преку медиумските курири за наводен нагорен тренд на економијата не можат да ги покријат погубните економски политики. Реалноста е поинаква и поткрепена со факти. Од виртуелните политики за вработување и самовработување во Македонија имаме историски најголема невработеност на младите од над 50%, а 79% од нив би сакале да се иселат од Македонија. Егзистенцијата е главната причина за тоа – нагласи Костадинов.