(ВИДЕО) Костадинов: ВМРО-ДПМНЕ го извалка големиот државен празник – Денот на независноста

Од:

ВМРО-ДПМНЕ го извалка големиот државен празник 8 септември – Денот на независноста. Посветена на одбрана на криминалот, ВМРО-ДПМНЕ не испрати делегација на оддавањето почит на поранешните претседатели Киро Глигоров и Борис Трајковски, рече Костадин Костадинов, порпарол на СДСМ на денешната прес-конференција.

„Со тоа, ВМРО-ДПМНЕ и Христијан Мицкоски покажаа непочит кон државата, кон историјата, кон денот на независноста и кон првите двајцата македонски претседатели.

ВМРО-ДПМНЕ продолжува да сее омраза и да поттикнува насилство.

Последен пример за тоа е палењето на сликите на премиерот Зоран Заев и министерката за одбрана Радмила Шекеринска во Австралија.

ВМРО-ДПМНЕ и нивната реторика се директни поттикнувачи на вакви срамни инциденти.

Со ваквите постапки, ВМРО-ДПМНЕ уште еднаш покажа дека се однесува деструктивно, на штета на граѓаните и државата.

Одново се докажа дека единствената мисија на ВМРО-ДПМНЕ и Христијан Мицкоски е одбрана на криминалот, ширење поделба и омраза помеѓу граѓаните и оддалечување на државата од ЕУ и НАТО.

Полека но сигурно, Мицкоски и ВМРО-ДПМНЕ се претвораат во грчката Златна Зора.

Наместо да се приклучат кон процесот за обезбедување на сигурна иднина за земјата тие разгоруваат национализам и потхрануваат лажни очекувања кај своите гласачи.

Ниту Мицковски, ниту Груевски не можат да ги вратат процесите назад. Тешка лага е дека ќе го поништат Преспанскиот Договор. Така зборуваа и за Времената Спогодба па не само што ја прифатија туку и ја прогласија за дипломатски триумф.

ВМРО-ДПМНЕ, Мицкоски и Груевски нема да успеат да ја вратат државата во темното минато на насилство, поделби и изолација.

Република Северна Македонија оди напред како едно општество за сите, без разлика колку и тоа да е неприфатливо во белиот дворец.“, наведе Костадинов.

Би можело да ве интересира

СДСМ: ВМРО-ДПМНЕ е изворот на срамниот непотизам и партизација

СДСМ: ВМРО-ДПМНЕ алармира за незаконско постапување неколку месеци откако е отворена истрага за случајот

СДСМ: Ја унапредуваме здравствената заштита и условите за работа на медицинскиот персонал

Ана Ололовска

СДСМ: Иванов и во пензија се однесува расипнички и се расфрла со парите на граѓаните

(ВИДЕО) Костадинов: ВМРО-ДПМНЕ е против раст на платите, против поврат на ДДВ, ние обезбедуваме повеќе пари за граѓаните

Ана Ололовска

СДСМ: Обезбедивме 5 нови лекови за ретки болести, воведени нови инсулини, квотите за лекови се укинуваат

Ана Ололовска