(ВИДЕО) Костадинов: Мицкоски брани криминал и ја поткопува истрагата за „Рекет“

Од:

„ВМРО-ДПМНЕ и Христијан Мицкоски се загубија во посветеноста да ги одбранат криминалите на режимот и нивните тајкуните.

Покрај тоа што мавташе со наводни документи за искази и вештачења, во вчерашната изјава, Христијан Мицкоски случајно или не призна дека ВМРО-ДПМНЕ има материјали од предистражни дејствија односно материјали од нелегално следење на комуникациите.

Поседување на изјави од предистражни дејствија и наредби од истрага е кривично дело, а оној што ги споделил таквите документи не може да биде свиркач туку вршител на кривично дело.

Манипулациите со вакви документи пак ја поткпува истрагата и целиот процес за случајот Рекет“, рече Костадин Костадинов, портпарол и пратеник на СДСМ.

„Стана совршено јасно кој ги лиферува доверливите материјали на медиумите со цел да влијае врз истрагата или да ја насочи во погрешен правец.

Христијан Мицкоски ги покажа неговите вистинските намери, да работи против правната држава, да ги кочи процесите и да го загрозат датумот за почеток на преговори со ЕУ.

Овие јалови обиди на Мицкоски да се попречи правдата и да се спасат криминалците од одговорност, со сигурност, пропаѓаат.

Со преземањето на предметите од страна на Јавното обвинителство, целосно е обезбедена иднината на сите случаи на СЈО со цел тие да имаат своја разрешница во системот на јавното обвинителство и судството. Сите предмети, сите истраги и предистраги продолжуваат во целосна независна надлежност на државното јавно обвинителство.

Сите отворени истраги и судски случаи ќе се расчистат до крај и секој за кого ќе се докаже вмешаност во криминал ќе одговара за своите постапки. Пропадна и неговиот блеф за наводно барање предвремени избори за кои се покажа дека Мицкоски не сака да се случат.

ВМРО-ДПМНЕ е најголемата штета за Северна Македонија на патот до правда и на патот до Европската унија. Ние никогаш нема да отстапиме од заложбите за воспоставување правна држава и владеењето на правото.

Тоа Мицкоски, треба да му го пренесе и на неговиот ментор, побегнатиот криминалец во Будимпешта, Никола Груевски!“, изјави Костадин Костадинов, портпарол и пратеник на СДСМ.

Би можело да ве интересира

СДСМ: Мицковски е ист како Груевски, злоупотребени децата во Гевгелија

Горан Наумовски

СДСМ: Нема промена во ДПМНЕ, над 80 отсто од листите се истите пратеници кои спроведуваа активни блокади

Талевски: ДПМНЕ и Тошковски ја загрозуваат безбедноста на граѓаните

Катерина Ѓуровски

Формирана „Коалиција за европска иднина“

Предраг Петровиќ

СДСМ: Безбедни ученици, бесплатен топол оброк во средно и основно

Горан Наумовски

СДСМ: Платформа од минатиот век се нови лажни ветувања на ДПМНЕ по пример на Скопје