„Молкот во ВМРО-ДПМНЕ е индикатор за прикривање на голем скандал, нова афера поврзана со начинот на финансирање на изборната кампања.
Јавно објавените информации, финансискиот извештај, покажуваат дека ВМРО-ДПМНЕ должи 400.000 евра за кампањата на Гордана Сиљановска.
Тоа е спротивно на член 71 од Изборниот законик каде е наведено дека сите трошоци за кампањата исклучиво треба се покријат од средствата на таа сметка. Затоа молчи ВМРО ДПМНЕ“, рече Костадин Костадинов, портпарол и пратеник на СДСМ.
„Дали токму овој незаконски долг од 400.000 евра е причината што ВМРО-ДПМНЕ го кочи изборот на прв човек на Државниот завод за ревизија?
Се плаши ли ВМРО-ДПМНЕ дека независна институција ќе поведе постапка и ќе ги истражи сите индиции за нивното непочитување на законот?
Одговорност мора да има.
Надлежните институции мора да извршат детални анализи и да излезат со одговори пред јавноста.
Институциите се на потег.
За овој нов скандал во ВМРО-ДПМНЕ одговороност мора да има“, изјави Костадин Костадинов, портпарол и пратеник на СДСМ.