Дел од автобусите кои беа ангажирани да носат контрадемонстранти од други градови во Скопје се паркираа пред трговскиот центар „Веро“ од каде контрадемонстрантите веднаш се упатија пред Собранието, а други пак, беа упатени кон „Југо дрво“.
Пред „Веро Џамбо“ на демонстрантите им беа делени листови со натпис „Крај на кризата“.
Еден од контрадемонстрантите од автобусот покажа со средниот прст кон камерата на А1он.
На контрапротестот иако како организатор се јавува ГДОМ, контрадемонстрантите додека се упатуваа кон Собранието скандираа „Никој ништо не ти може Никола“.