(ВИДЕО) Конгресот на СДСМ ќе продолжи откако општинските организации ќе се произнесат за Извештајот за претседателските и парламентарните избори

Од:

На денешниот отчетен Конгрес на СДСМ се анализираа изборните резултати на претседателските и парламентарните избори 2024 година, врз основа на подготвен детален и обемен Извештај. Претседателот на СДСМ Димитар Ковачевски ја образложи неговата одлука за повлекување од функцијата.

Генералниот секретар на СДСМ и Шеф на изборниот штаб, Миле Зечевиќ Вардарски го презентираше деталниот Извештај за парламентарните и претседателските избори 2024 година по што беше отворена дискусија во однос на Извештајот, во којшто се содржани и анализите на изборниот резултат.

Поради обемниот материјал на Извештајот кој опфаќа политички, оперативен и аналитички дел, општинските организации на СДСМ побараа време за да го анализираат, да се произнесат и да дадат свој придонес, на ниво на општински изборни штабови и на ниво на општински организации во конечната верзија на Извештајот за парламентарните и претседателските избори 2024 година.

Предлогот беше поддржан од мнозинството присутни делегати со што се одлучи Конгресот да прекине со работа, да се даде време општинските организации да го анализираат Извештајот, да се произнесат и дадат свој придонес во конечната верзија со забелешки, сугестии и заклучоци.

Конгресот на СДСМ ќе продолжи откако општинските организации ќе се произнесат за Извештајот за претседателските и парламентарните избори а за терминот дополнително ќе биде утврден.

Би можело да ве интересира

СДСМ: Мицкоски е неук за тоа како функционира увозот на лекови

СДСМ: Мицкоски изгледа се сретнал со друг Радев

Горан Наумовски

(ВИДЕО) Илиевски: ОЈО и ДКСК веднаш да го истражат случајот поклон од 325.000 евра за Јанушев

Горан Наумовски

СДСМ: Мицкоски да каже дали патувал со бизнис класа и карта од 4.000 евра

СДСМ: Дали Мицкоски патувал за Вашингтон во луксузна бизнис класа со карта која чини над 4.000 евра?

Предраг Петровиќ

ВМРО-ДПМНЕ: Спасов кој преку Рејтинг од СДС извади еден милион евра тендери, и фотоцентрала за струја, сега ќе ги дозакопа во опозиција