Господине Пишев, одговорете ни прво, во колку партии сте членувале? Потоа, како тоа вие како антички Македонец и како пратеник во Собранието на Република Македонија поседувате личен имот од 200 м2 во Бугарија?
На овие прашања денеска од кандидатот за градоначалник на Струмица од владејачката партија, Васил Пишев, одговор побара портпаролот на струмичките социјалдемократи, Васил Георгијевски.
Како семејството на античкиот Македонец Васил Пишев има уште еден стан во изградба од 653 м2 пак во Република Бугарија? Ве прашуваме господине Пишев, како планирате да привлечете инвеститори за развој на Струмица, ако и вие лично, а и како пратеник, не верувате во економската политика на Груевски и своите пари ги инвестирате надвор од Македонија? Зошто семејството на античкиот Македонец Васил Пишев поседува луксузен хотел под знамето на Република Бугарија, а не изгради таков хотел во Македонија и вработи македонски граѓани – изјави Георгијевски.