Долги и широки елаборации за се и сешто, од осамостојувањето до денес, од сколиоза до ММФ.
Претседавачот со Комисијата за финансирање и буџет, Горан Мисовски, пресметал дека дебатата или дoлжината на говорењето е 60-40 во корист на ВМРО-ДПМНЕ, чии пратеници бараат кратење на дискусиите и апелираат СДСМ со долги дискусии и амандмани да не го кочат носењето на Буџетот за 2013.
Владимир Ѓорчев ја продолжи вчерашаната неколку часовна дискусија и говореше за практиките во другите држави, за кризата, за квалитетите и работата на градоначалникот на Скопје.
Пратениците од СДСМ негодуваа и довикуваа, а некој се обиде, да ги изманипулира медиумите, информирајќи дека има тепачка во салата, да го прекинат снимањето на изјавата на Игор Ивановски и да ги пренасочат камерите во Комисијата.
Новинарите уверувајќи се дека нема инцидент ја напуштија салата.
Гордан Георгиев го праша како информацијата за наводен инцидент дошла до новинарите. Еве што забележаа камерите кога влегоа во салата