По најавата на Специјалното јавно обвинителство дека ќе покрене обвинение за насилството во општина Центар, фокусот е насочен на тоа кои лица ќе седнат на обвинителна маса.
Со оглед дека СЈО не открива за кого станува збор, според „бомбите“ кои минатата година ги објавуваше лидерот на опозицијата, најверојатно станува збор за екс премиерот Никола Груевски, кој на екс министерот за транспорт и врски, Миле Јанакиески во аудио снимката нарачува 5-6 шамари за граоначалникот на општина Центар, Андреј Жерновски.
На снимките од демолирањето на општинските бараки може се гледа и тогашна советничка од редовите на ВМРО-ДПМНЕ како бара од Жерновски да излезе надвор и да се обрати на „верниците“ кои буквално го уништуваа објектот.