Антонијо Милошоски, член на ИК на ВМРО-ДПМНЕ, на прес-конференција извести за одлуките на Извршниот и Централниот комитет на ВМРО-ДПМНЕ на кои биле поддржани десет кандидатури за градоначалници за следните локални избори.
„Како кандидат за градоначалник на Општина Ресен, ВМРО-ДПМНЕ и коалициските партнери го подржуваат Јован Тозиевски. Кандидат за градоначалник на општина Крушево предлагаме да биде Билјана Проеска.
Кандидат за градоначалник за општина Делчево е Николчо Стојменовски. Кандидат за градоначалник на општина Ранковце е Борче Спасовски.
Кандидат за градоначалник на општина Ново Село е Ѓорѓе Божинов. Кандидат за градоначалник на општина Василево е Славе Андонов. Кандидат за градоначалник на општина Дебарца е Сашо Силјаноски. Кандидат за градоначалник на општина Кавадарци е Митко Јанчев.
Кандидат за градоначалник на општина Зрновце е Борчо Коцев. Кандидат за градоначалник на општина Кратово, Тодорчо Николовски предложен од Социјалистичката партија“, информираше Милошоски и на сите им посака успешна кампања и победнички резултат на изборите.