Според најавите на општина Прилеп, предвидена е реконструкција на Плоштадот „ Методија Андонов – Ченто“ во Прилеп, која ќе започне од ул. „Борка Талески“ на потегот од О.У. „Кочо Рацин“ па се до поранешната „Градска кафеана“.
Реконструкцијата на плоштадот е на површина од околу 8.000 метри квадратни и ќе се одвива во три фази. Реконструкцијата опфаќа замена на постоечќиот плочник со нови мермерни и гранитни плочки, а предвидено е и зголемување на постојните зелени површини, поставување на модерна урбана опрема како и обновување и ревитализација на осветлувањето, информираат од општина Прилеп.