(ВИДЕО) Јанушев не кажува дали ВМРО-ДПМНЕ ќе коалицира со ДУИ: Партнерот ќе зависи од изборниот резултат

Од:

Опозициската ВМРО-ДПМНЕ, очекува победнички изборен резултат и мандат за формирање Влада, изјави генералниот секретар на партијата Игор Јанушев во интервју за „А1он“, но не одговори дали нивниот партнер во власта повторно би бил ДУИ. Јанушев вели дека изборот на партнер од албанскиот блок ќе зависи од изборниот резултат.

„Оној што ќе биде партнер во власта со нас ќе треба да ја прифати нашата пограма тоа е прво што ќе го побараме од сите партии. Изборот на коалициониот партнер сепак ќе зависи од изборниот резултат. Кој ќе биде и со кого, ќе видиме за неполна една недела кога ќе започнат и разговорите со партиите“, рече Јанушев за „А1он“.

Според изнесеното на Јанушев, ВМРО-ДПМНЕ за сега нема јасен став околу Преспанскиот договор кој партијата до пред неколку месеци го нарекуваше предавнички и срамен договор. Генералниот секретар на партијата вели дека тие како партија не се откажуваат од борбата за македонскиот национален идентитет , но не кажа конкретно што ќе превземат по оваа прашање.

„Дали ќе има промена и каква промена буквално сега нема жив човек што ќе ви даде одговор. Наше е како ВМРО-ДПМНЕ да ја продолжиме таа битка, бидејќи секогаш сме биле на браникот на татковината. Како што ја водевме кога Заев и неговите ги правеа сите овие предавства ќе ја продолжиме и сега. Ако порано се бореле со пушки и пиштоли, ние сега имаме друга борба преку демократските капацитети на институциите дома и во странство. Дали таа борба ќе доживее плод по пет, по десет години, шест месеци или 50 години тоа само историјата може да го покаже “, изјави Јанушев.

Би можело да ве интересира

Мицкоски: Државата ја втурнуваат во црвената зона на презадолженост, долгот достигна 59,5%

Ана Ололовска

(ВИДЕО) Илиевска: За само три месеци Владата го зголемила јавниот долг за една милијарда евра

Ана Ололовска

Џафери ја напушти Инфективна, тој ќе ја води конститутивната седница

Ана Ололовска

Конститутивна седница на Собранието утре, партиски разговори за формирање влада

Ана Ололовска

(ВИДЕО) Серафимовска: Со капацитетот на Владата на СДСМ и ова полугодие од школската година ќе помине неорганизирано и хаотично

Ана Ололовска

(ВИДЕО) Попова: Шилегов во 2018 година вети дека „Златно славејче“ ќе го слави 50. јубилеј во Универзална, а сега сака да ја руши

Ана Ололовска