Опозицијата има сила и е подготвена да се спротивстави на бруталниот режим на Никола Груевски, вели во интервју за „Скај“, градоначалникот на Карпош, Стевчо Јакимовски.
Овие избори не се само за борба за власт, туку и за достоинство. Достоинството на парламентот е уништено на 24 декември лани, а оние кои беа актери во уривањето на достoинството, не можат да поминат неказнето – порачува актуелниот градоначалник на Карпош.
На прашање дали има обиди за изборен фалсификат во Карпош, со издавање на лични карти, градоначалникот вели дека имало такви гласини, меѓутоа, според него, позициите на СДСМ во Карпош се доволни силни за какви било фалсификати да бидат анулирани.
– Зошто премиерот Никола Груевски не прифати предвремени парламентарни избори, ако е толку сигурен во неговите анкети – прашува Јакимовски.