Со оваа коалиција која во Струга ја направивме не сакавме да дозволиме гласовите на ВМРО-ДПМНЕ, СДСМ и на останатите политички партии да бидат предмет на пазарење и раситнување. Ова не е моноетничка коалиција, ова што ние го направивиме во Струга е вистинската одбрана за спречување на било какви етнички или радикални политички коалиции, рече на заедничкиот митинг на СДСМ и ВМРО-ДПМНЕ, Игор Ивановски од СДСМ
„Оваа коалиција е единствениот начин која ќе биде одбраната и браникот на мултиетничноста на Струга.Ова заедништво треба да ја промени Струга која сега ја гледаме во мрак и темница, без улуци, Струга со многу криминал и не безбедна.Оваа коалиција треба да биде модерна и европска.Да на оние кои сметаат дека со нови радикализми, поделби и стари идеји само во нови обланди ние ќе се спротиставиме со програма, добра мисла, и желба да работиме.Оваа коалиција е за сите“, рече Ивановски.
Ивановски рече дека освен за Струга и Кичево тие ќе бидат политички противници
„Она за што ќе се согласиме, е дека кога е Струга во прашање разлики нема да постојат и не треба да има и поради тоа ќе бидеме докрај целосни политички противници освен во Струга.Во преостанатите неколку дена треба да се слуштаа само три збора Струга, Македонија, победа“, рече Ивановски.
ВМРО-ДПМНЕ и СДСМ во Струга настапуваат под слоганот „Заедно за Струга“.
Мики Трајковски
