Граѓаните излегоа во близина на Владата побараа трезвено делување во периодот во кој следи и да испратат порака за мир и правда. Тие порачаа дека граѓанското нездоволство нема да запре.
„Не чувствуваме страв, само гадење од оваа авторитарна власт и нивните мрачни сценарија. Ние бараме:
Итно оставки и одговорност на целата Влада
Итно ослободување на сите активисти од 5. мај наваму
Влада за демократизација на институциите
На 5. мај стана јасно дека тие нема да дадат оставки, јавното обвинителство нема да ги гони, а јавниот сервис ќе остане на нивна страна. Кога граѓанските протести земаа замав, во Куманово се случи воружениот инцидент, граѓаните зборуваат за недоследности, манипулации и контрадикторности и постои голем сомнеж за природата на настаните во Куманово. Бараме многу одговори поради загубите на животи“, порачаа активистите.
Тие повикаа сите да се приклучат на масовните протести кои ќе бидат мирни, надетнички, надпартиски, на движењето за правда и мир.