Демонстрантите организирани од здружението „Веритас“, по вербална расправија на влезот во Општина Центар, влегоа во дворот на општината, извикувајќи „Неверници“, „Господ ќе е казни“, „Предавници“.
Жителите на Центар ги обвинија демонстрантите дека не се ни од Општина Центар, туку дека се организирани од повеќе скопски населби, на што возвратија дека Центар бил на сите граѓани и затоа се тука.
– Кој ве лаже дека ќе се урива црквата и кој ве злоупотребува, прашуваа дел од жителите на Центар.
Демонстрантите возвратија дека се сигурни дека црквата ќе биде урната, иако градоначалникот Андреј Жерновски досега немаше спомнато такво нешто. Во ниту еден документ кои се доставени на седницата на општина центар никаде не пишува или е предвидено уривање на црквата. Според тоа од општината сметаат дека демонстранитите се изманипулирани дека Жерновски сакал да ја урива црквата.
Петар Клинчарски