Инцидент се случи денеска пред Автомакедонија. Граѓаните од околните згради се револтирани бидејќи сметаат дека тука нема место за катна гаража.
Инвеститорот „Никофон“ со ланец и со тараби го огради просторот, а на комбе од фирмата постави камера.
Граѓаните беа револтирани зошто беа снимани поставена на комбе на „Никофон“ и како што велат камера која ја носеше сопственикот.
Спречен е поголем инцидент. Огорчените жители на околните згради поднесоа претставка до МВР, бидејќи биле спречени во движењето и за неовластено снимање од страна на „Никофон“.
„Газдата на „Никофон“ во 9 и 30 часот заедно со неколку луѓе безобразно заградија дел од паркингот, со што ни оневозможуваат слободно движење и пристап до нашите домови“, велат граѓаните во претставката до МВР.
Поради инцидентот постапувањето беше прекинато. Инаку на 6. март градоначалникот на Општина Центар донесе решение за повторување на постапката по издаденото одобрение за градење на инвеститорот „Никофон“.
Ова е поради поднесениот предлог за повторување на постапката од непосредните соседи.
Извршувањето на одобрението за градење се одложува додека не се одлучи за прашањето за повторување на постапката. Инаку сопственикот на „Никофон“ има добиено правосилно решение за изведување подготвителни работи.