Граѓаните продолжија да се движат кон Портата Македонија и стигнаа на плоштадот Македонија.
Барањата на „Протестирам“ пред неколку денови се проширија по поканата до четирите партии на преговори во Виена.
Од движењето веќе се изјаснија дека за нив овие преговори се неприфатливи и бараат итно повлекување одлуката за аболиција на сите оние против кои се води истрага и против кои е покренато обвинение од Специјалното јавно обвинителство (СЈО).
Бараат итна и неотповиклива оставка од претседателот Ѓорге Иванов, Уставниот суд да се произнесе за уставноста на СЈО, да се формира специјално одделение на Кривичниот суд, кое ќе биде надлежно за случаите под јурисдикција на СЈО.