Градоначалникот на општина Велес, Аце Коцевски на прес-конференција обелодени дека пратеникот од ВМРО-ДПМНЕ, Илија Димовски користел личен возач од општината.
Градоначалникот Коцевски кажа дека вработен од општината му бил личен возач на Димовски, а неговите работни задачи се воделе како возач на градоначалникот. Коцевски кажа дека за ова има докази и посочи дека со ваквиот потег Димовски ја општетил општината за голема сума на пари.
Градоначалникот на неговата прва прес-конференција кажа дека долгот на општината е 2.750.180 евра, од кои најголем дел се кон Јавното комунално претпријатие.