Струмичани по трет пат изгласаа и му го доверија градоначалничкиот мандат на Зоран Заев, ја потврдија довербата во него и му ја доверија иднината на Струмица. И по прегласувањето на трите гласачки места тој извојува победа и освои повеќе гласови од гласањето пред две недели.
Градоначалникот Заев и струмичани веќе ја слават убедливата победа. Се пее во чест на извојуваната победа и покрај сите притисоци, закани и уцени од страна на актуелната власт што беа вршени во текот на целата кампања.
Од пред штабот на СДСМ прославата продолжува на градскиот плоштад и според најавите ќе трае до раните утрински часови.
-Моите струмичани потврдија пред сите дека не потклекнуваат на закани и притисоци, дека не трпат вакква диктатура, овој резултат денеска победа со поголема разлика од претходно, победа со повеќе глаСОВИ пушта силна порака и кон власта и кон цела Македонија дека не смее никој да дозволи да го погазува судството, да си игра со медиумите да го валка достоинството на нашиот народ, рече Заев по прогласувањето на победата.