Граѓанската опција ГРОМ најави дека прераснува во партија, но и дека ќе истакне свој кандидат за престојните избори во март 2014-та кога ке се избира шеф на државата.
За сабота, градоначалникот на општина Карпош, Стевчо Јакимовски го најави основачкото собрание на ГРОМ, а интенцијата според него е партијата да прерасне во трета политичка опција. Јакимовски, посочи дека како основачи се јавуваат 1.100 поддржувачи, а ГРОМ интензивно ја припремал програмата која ќе ја понудат пред граѓаните за претседателските избори следната година на пролет.
СДСМ го обвини градоначалникот на Карпош дека преку насилни методи, ГРОМ и Стевчо Јакимовски регрутираат членство, слично на ВМРО-ДПМНЕ, што Јакимовски денеска го отфрли со образложение дека не сака да се занимава со СДСМ и со како што рече, нивните постојани погрешни политики. Тој исклучи предизборна коалиција со друга политичка партија. Ќе понудел соработка на помалите партии-Српската напредна странка на Драгиша Милетиќ и Либералната партија.
Бојан Стојановски