Некогаш една друга партија важеше за лажоманска. Но, полека и сигурно, ВМРО-ДПМНЕ го презема тој примат.
Вчера, преку нивните инсталации во Општина Карпош, се обидоа да ја излажат јавноста дека градоначалникот Сотир Лукровски не поднел оставка,
туку бил на боледување. Е па, таа приказна не поминува, наведуваат од ГРОМ и прашуваат:
Ако е боледување, тогаш нека објаснат:
Зошто барале од Централниот регистар Сотир Лукровски, градоначалник избран на локалните избори на 2 ноември, да биде избришан како одговорно лице во правното лице Општина Карпош, а на негово место да биде впишан заменикот Крстевски?
Нормално, ваквата глупост службениците од Централниот регистар ја одбиле, со јасно образложение: Општина Карпош има актуелен градоначалник.
Зошто во Трезор испратиле потписно картонче само со потпис на овластениот заменик, а без потписот на градоначалникот кој го дава овластувањето? Ако Сотир Лукровски е само привремено отсутен, зошто го нема таму каде што мора да го има?
Зошто шоферот на Сотир Лукровски дошол да го раздолжи службеното возило со кое го возел градоначалникот, како и другите предмети што ги
користел? Ако човекот е само на боледување, зошто се раздолжува службено возило?
Ова не е боледување. Ова е бегство од Карпош. Ова е незаконско купување време.
Оставката на Сотир Лукровски се најавува повеќе од четири месеци. Со тоа, според нашите информации, бил запознаен и претседателот на
ВМРО-ДПМНЕ, Христијан Мицкоски. Отворањето боледување и назначувањето заменик не е решение. Тоа е обид формално да фигурира боледување, а фактички да се подготвува заминување.
Формално — боледување. Неформално — оставка. Партиски — купување време. Правно — импровизација.
Невештите службеници од Општина Карпош сами им ги открија намерите со обидите да го избришат градоначалникот од Централниот регистар и од
потписник на жиро-сметката во Трезор.
И сето ова го прави партија која себе се нарекува државотворна. Партија која зборува за патриотизам.
Партија која секој ден држи лекции за правна држава, законитост и институции.
А во Карпош што прават?
На незаконски начин дојдоа до власт во Општина Карпош, а сега на незаконски начин се обидуваат да го продолжат владеењето. Карпошани гласаа за градоначалник. Добиваат партиски овластувања, потписни картончиња, заменици, адвокати, секретари, супервизори и инструкции од Белата палата.
Вистината е едноставна: ВМРО-ДПМНЕ ја заглави Општина Карпош и сега се обидува со лаги, правни акробации и партиски маневри да го покрие
срамот. А причината за сето ова е добро позната, наведуваат од ГРОМ.