Жителите од населбата Дексион кои живеат на ул. Гостиварска ги избркаа мајсторите кои дојдоа да ги пополнат дупките со асфалт.
Причината за бесот е лагата на градоначалникот на општината Ѓорче Петров Сокол Митровски, кој на вчерашната средба со нив им вети дека денеска улицата ќе биде целосно асфалтирана.
Откако дојодоа екипите на терен, тие ги информираа граѓаните дека се дојдени да ги потполнат дупките, но не и да ја асфалтираат улицата целосно.
По ова нивно известување, екипите беа избркани со барање, доколку улицата не биде асфалтирана до денот на изборите, актуелниот градоначалник не треба да се надева на нинвите гласови.
