Група граѓани предводени од лидерот на Достоинство, Стојанче Ангелов, по МРТ се собраа пред Јавното обвинителство, каде што побараа оставка од јавниот обвинител, Марко Зврлевски, а тоа ќе го бараат секоја вечер додека не се повлече.
Вечерва дојдовме овде да побараме од државниот јавен обвинител веднаш да поднесе неотповиклива оставка. Бараме во оваа зграда да се најде само еден маж-јавен обвинител, кој ќе ја укине одлуката насочена кон МРТ, по што уредникот Горан Петревски ќе започне со емитување на аудио материјалите кои можевме да ги слушнеме во изминатите недели. Македонскиот народ не е глуп, многу добро знае и кога ќе слушне уште подобро ќе знае и самиот ќе донесе одлука дали овој монструм ќе го остави да владее или ќе го избрка на клоци. Јас се кладам дека ќе биде второто, рече Ангелов.
„Ова е искра“, рече Ангелов, а граѓаните извикуваа барајќи оставка од Јавниот обвинител, Марко Зврлевски и од раководството на МТВ.
Тие се незадоволни бидејќи Јавниот сервис не ја извршува својата функција и не ги објавува снимките кои што на прес конференција ги презентира опозицијата.
Од обвинителот бараат оставка бидејќи МТВ како што наведуваат од раководството добила забрана од Зврлевски да ги објавуваат снимките.