Општина Центар, по 64 години, ја реконструира и проширува градинката „13-ти ноември“. Децата од средината на септември ќе престојуваат во многу подобри услови.
„Од стариот, руиниран објект останаа само ѕидовите. Се’ друго е комплетно ново и квалитетно изработено.
Реконструирани се канцелариите, занималните, ходниците, санитариите, кујната, целосно е обновен подрумскиот простор. Градинката ќе има нови нелизгачки плочки, прозорци, грејни тела и нови, изолациски подови“, соопштуваат од Општина Центар.
„Според стандардите за производство и пласман на храна, се гради лифт за храна, конечно се решава огромниот проблем со влагата, која имаше штетни последици врз здравјето на децата и вработените, како и со руинираниот паркет и ламинат.
Отпадните фекални води од објектот, со новопроектираната инсталација, се дистрибуираат со постечкиот приклучок до градската канализациона мрежа“, велат од Општина Центар.
„Градинката „13-ти ноември“ сега ќе биде современ, енергетски-ефикасен објект, а реконструкцијата и градењето се изведува со најквалитетни еколошки материјали.
И оваа реконструкција е дел од амбициозниот проект на општина Центар, „Работно Лето 2015“, пишува во соопштението на Општината.
