Екипи од Територијалната противпожарна единица од Делчево се излезени на терен и интервенираат, заедно со екипи на јавното комунално претпријатие по силното невреме што го зафати градот и околните села. Поради невремето, во дел од делчевските населби во прекин беше снабдувањето со електрична енергија.
Поплавени повеќе од 60 објекти во населбата Пролет и на улицата „Индустриска“ се последиците од невремето проследeно со град што денеска го зафати Делчево и околината во периодот од 16.30 до 18.20 часот, информира Центарот за управување со кризи.