Пожарникари и доброволци од селото Ѓавoто близу Богданци се обидуваат да го локализираат пожарот кој пламна денеска во 13:30 часот во поле, којшто подоцна се проширил во шума на место викано Погана помеѓу Гевгелија и Богданци.
Пожарот е на само 50 метри доближен до селото.
Според последните информации гори прнар и нискостеблеста шума. На терен дејствуваат противпожарната служба од Богданци, а помош им пристигнала и од другите блиски општини.
Поради силниот ветар отежнато е гаснењето на пожарот.