Градоначалникот на општина Центар, Андреј Жерновски пред родителите на затруените деца побара од директорката на училиштето 11 октомври да си понесе одговорност за тоа што се случи во училиштето.
-Вие треба да си понесете одговорност. Зошто во ниедно друго училиште нема никаков проблем, а кај вас постојано има проблеми. Ако се случува ова во училиштето, тоа е ваша одговорност, ја праша Жерновски.
-Сите ние знаеме со чиј потпис сте назначени на оваа функција, рече тој.
Револтираните родителите ја прашаа директорката зошто нема храна за децата веќе 20 дена во училиштето, а таа купува и набавува електронски табли.
-Првенствено ви веа битни електронските табли, немаме храна, немаме вода, вас ви е до електронските табли, и се обрати на директорката родител.
Во училиштето се појави и заменик министерот за образование, Спиро Ристовски кој бараше да не се снима целата расправа помеѓу родителите и директорката Данилела Костадинова.
-Нека снимаат, се треба јавноста да знае, реагираше еден родител.