(ВИДЕО) Ѓорѓиевски: Десетина тешки грабежи откако Спасовски е на чело на МВР, а ниту еден расветлен случај

Од:

„Неспособноста на министерот за внатрешни работи е веќе толку општо позната работа што не е ни чудо зошто секој ден се случуваат грабежи, убиства и насилства во Република Македонија. Криминалците се осоколени и слободни, што прават дрски кривични дела сред бел ден, и за тоа не одговара никој од нив.

Каков Премиер, таков Министер за внатрешни работи, а таква за жал е безбедност на државата.

Десетина тешки грабежи, и неколку опљачкани банки и пошти откако Оливер Спасовски е на чело на МВР, а ниту еден расветлен случај“, рече Орце Ѓорѓиевски, Член на ИК на ВМРО-ДПМНЕ.

„За неполни два месеци само од Тутунска банка на најбрутален начин се украдени 250 000 евра, а групата е оставена слободно да бира каде ќе удри следниот пат, бидејќи Спасовски ништо не презема против нив. Замислете, се уште е на слобода група која со калашникови ограбува среде бел ден и министерот мува не го лази.

МВР нема преземено ништо. Никој не знае каде заминал џипот со ЦОЛ таблички со кој избегале разбојниците, ниту кој им помогнал. Никој не знае ни дали парите се изнесени од државата или пуштени во промет на територија на Република Македонија.

За жал криминалот е присутен насекаде. Пред само неколку дена во центарот на Прилеп сведоци бевме дека беше фрлена бомба во кафуле полно со гости, а сторителите се уште не се откриени.

Спасовски или е целосно неспособен да преземе акција или пак е во коалиција со криминалното подземје, трето нема. Што и да е, Спасовски мора да си оди! Оставка мора од негова страна и тоа веднаш!

Криминалот буквално царува во Република Македонија, нема одговорност пред законот за сторителите на тешки кривични дела, Спасовски или не знае како или не сака да ги изведе пред лицето на правдата оние кои ги загрозуваат животите и безбедноста на нашите сограѓани.

Предизборната коалиција на СДСМ со криминалното подземје полека но сигурно си го зема данокот, а цената за тоа ја плаќаат граѓаните. Партизацијата на МВР е евидентна, таа е спротивна од професионализацијата и она што навистина им е потребно на граѓаните чија безбедност треба да е основен приоритет на министерството. МВР е во тотален хаос и целосно неефикасно.

Што поскоро Спасовски и оваа власт си заминат, толку побрзо ќе се врати правдата во Република Македонија, a нашите граѓани ќе можат повторно да кажат дека се чувствуваат сигурно и не живеат во страв“, изјави Орце Ѓорѓиевски, Член на ИК на ВМРО-ДПМНЕ.

Би можело да ве интересира

(ВИДЕО) Стојановски: Наумовски ја задолжи општината, а нема во план да ја изгради градинката во Волково

(ВИДЕО) Стоилковски: Од што точно се плаши Костадинов кој што често беше фотографиран во друштво на еден од осомничените?

ВМРО-ДПМНЕ: Кај кого сѐ завршувале милионите од рекетот кој Боки 13 и Зоки Кичеец го вршеле?

ВМРО-ДПМНЕ: СДСМ ги доведе земјоделците до питачки стап, немаат ни за леб

ВМРО-ДПМНЕ: Наместо да се приведат сите инволвирани, четири месеци се прикриваат трагите

ВМРО-ДПМНЕ: Криминалите на Заев и СЈО испливуваат на површина