Иако нема законска обврска да се појави во Собранието и да го образложи доставениот извештај за сработеното, Катица Јанева според претседателот на комисијата за политички систем и член на ВМРО-ДПМНЕ, Влатко Ѓорчев со непојавувањето се ставила над уставот и законите на Република Македонија.
Тој вели дека ова е прв случај во историјата на демократска Македонија, во овие 25 години едно лице да не се појави и да го образложи извештајот на институијата која ја раководи.
– Не добивме известување дека нема да дојде иако интересот помеѓу пратениците е голем. Нејзиното недоаѓање и недавање известување дека нема да се појави е непочитување на собранието. Непочитување на уставот на Република Македонија. Македонија е парламентарна демократија и сите именувани лица носат одговороност, влели Ѓорчев.
Ѓорчев додаде дека еднаш годишно претседателот лично поднесува извештај, еднаш месечно премиерот и министрите, како и претседателите на низа институции, а само Јанева не се појавила лично да го образложи извештајот кој го поднела.
Александар Тодески